perbedaan pancen panata acara dan panumbuh catur

Kategori Soal : Bahasa Sunda - Girang Acara
Kelas : IX (3 SMP)
Pembahasan :

Panata acara jeung panumbu catur miboga sasaruaan, nyaeta dua-duana sarua kaasup kana jalma anu miboga tugas salaku girang acara. Girang hartina pamingpin, girang acara kira-kira hartina sarua jeung jalma anu mingpin lumangsungna hiji acara, ti mimiti bubuka nepi ka panutup. Jadi, sacara umum pancen panata acara jeung panumbu catur teh nyaeta mingpin lumangsungna hiji acara, ti mimiti bubuka nepi ka panutup.

Harti sacara khusus atawa bedana antara pancen panata acara jeung panumbu catur nyaeta yen panata acara teh sarua hartina jeung Master of Ceremony atawa sok disingget MC, anu tugasna nyaeta mingpin, ngarahkeun, jeung nyusun susunan acara, dina acara-acara saperti upacara, kawinan, sunatan, ulang taun, jeung sajabana ti eta, ti mimiti bubuka nepi ka panutup acara.

Sedengkeun ari panumbu catur mah nyaeta sarua jeung jalma anu sok disebut moderator. Panumbu catur atawa moderator miboga tugas mingpin jalanna acara saperti sawala atawa diskusi. Dina acar sawala biasana sok aya debat. Dina mingpin jalanna acara atawa debat dina sawala, panumbu catur miboga tugas pikeun ngatur jeung ngarahkeun jalanna diskusi atawa debat sangkan bisa lumangsung sacara lancar atawa sukses.

Jadi, panata acara mah miboga tugas pikeun mingpin jeung ngatur susunan acara, saperti dina acara mieling kamerdekaan, saperti ngatur saha-saha wae anu rek ngeusi acara. Sedengkeun panumbu catur mah mingpin jeung ngarahkeun acara dina sawala, saperti jadi panengah umpama aya debat anu ngalor-ngidul teu puguh arahna. Tapi kusabab panata acara jeung panumbu catur teh miboga tugas mingpin sangkan acara, boh acara saperti kawinan boh acara saperti sawala, sukes, jalma anu miboga tugas salaku panata acara atawa panumbu acara sok disebut oge girang acara.